Man City saktë dhe sigurtë vazhdon drejt çerekfinales së Champions Leagues
Manchester City është skuadra e radhës që ka prerë biletën për në çerekfinale të Ligës së Kampionëve.
Të besuarit e Pep Guardiolës pas dy ndeshjeve e eliminuan me rezultatin 4-0 skuadrën e Borussia Monchengladbach.
Ashtu si sfidën e parë në udhëtim, City edhe sfidën e kthimit e fitoi 2-0.
Kevin de Bruyne shënoi një gol shumë të bukur për rezultatin 1-0 në minutën e 12’, dhe më pas Ilkay Gundogan për 2-0 në minutën e 18’.
City do të mësojë kundërshtarin për në çerekfinale të premten, derisa gjithashtu do të mësohet edhe kundërshtari i mundshëm i ndeshjeve gjysmëfinale.
