Man United fiton minimalisht kundër Norwichit, falë golit të Ronaldos

Manchester United ka marrë fitore në udhëtim kundër Norwich.

Skuadra e Manchester United ka shënuar fitore minimale 0:1, në përballje ndaj Norwich.

‘Djajtë e Kuq’ e mbyllën pjesën e parë pa gola, ndonëse krijuan disa raste të mira dhe administruan më mirë ndeshjen.

Rrjetat mbetën të paprekura deri në minutën e 75’, kur gjyqtari akordoi një penallti në favor të United.

Penalltinë e konvertoi në gol pesë herë Topi i Artë, Cristiano Ronaldo, për të çuar shifrat në 0:1.

Goli i Cristiano Ronaldos doli të ishte vendimtari për këtë takim dhe i dha tri pikët skuadrës së tij.

Manchester United tashmë shkon në kuotën e 27 pikëve për pozitën e pestë, dhe merr fitoren e radhës nën urdhrat e Ralf Rangnick në Premier League.

Norwich vazhdon të mbetet në pozitën e fundit, me vetëm 10 pikë të grumbulluara.