Liverpoolit i ‘vjen mendja’, shënon fitore ndaj Evertonit
Pas katër ndeshjeve radhazi pa fitore, Liverpooli u rikthye sonte te fitorja në Premierligë.
Skuadra e drejtuar nga Jurgen Klopp triumfoi në derbin ndaj rivalit lokal, Evertonit, të vlefshëm për javën e 23-të.
Ndeshja e zhvilluar në stadiumin “Anfield” përfundoi me rezultatin e pastër, 2:0.
Mohamed Salah (36’) dhe Cody Gakpo (49’) shënuan golat e fitores për “Të Kuqtë”.
Vlen të theksohet se për sulmuesin holandez ishte ky goli i tij i parë me fanellën e Liverpoolit.
Liverpooli pas kësaj fitore ka 32 pikë dhe tani renditet në pozitën e nëntë në tabelë.
Evertoni mbetet në pozitën e 18-të me 18 pikë të grumbulluara.
