Liverpooli me fitore të thellë ndaj Rangers – Salah e shfrytëzon rastin për ‘hat-trick’
Liverpooli ka shënuar fitore të thellë ndaj Rangersit, në ndeshjen e vlefshme për raundin e katërt në Grupin A të Ligës së Kampionëve.
Ndeshja e zhvilluar sonte në “Ibrox Stadium” përfundoi me rezultatin 1:7.
Mohamed Salah realizoi het-trik në këtë ndeshje, duke shënuar në minutat 76, 80 dhe 81.
Edhe Roberto Firmino regjistroi paraqitje të mirë sonte, teksa shënoi dy gola në minutat 24 dhe 55.
Dy golat tjerë për “Të Kuqtë” u shënuan nga Darwin Nunez (66’) dhe Harvey Elliot (87’).
Golin e vetëm dhe të nderit për vendasit e shënoi Scott Arfield (17’).
Liverpooli pas kësaj fitore ka 9 pikë dhe renditet i dyti në grup, kurse Rangers mbetet i fundit dhe pa pikë.
