Liverpool – Real Madrid, sonte finalja e madhe e Ligës së Kampionëve
Sezoni 2021/22 në Ligën e Kampionëve do të mbyllet sonte me finalen e madhe.
Liverpooli dhe Real Madridi janë dy skuadrat në garë për trofeun e çmuar.
Skuadra spanjolle e synon triumfin e 14-të në këtë garë, për të vazhduar kështu dominimin e plotë.
Real Madridi deri më tani ka 13 tituj të fituar, duke qenë klubi me më së shumti tituj kampioni në Ligën e Kampionëve.
Ndërkaq, “Të Kuqtë” e duan për herë të shtatë trofeun e kësaj gare.
Këto dy skuadra do të përballen sonte mes vete në “Stade de France” të Parisit.
Ndeshja do të zhvillohet nga ora 21:00.
