Lista e ushqimeve që mbrojnë nga kanceri

Konsumimi i ushqimeve të pasura me flavonoid, të cilat janë më të bollshme në fruta dhe perime me ngjyra të zbehta, të errëta dhe të gjalla, mbron nga kanceri dhe sëmundjet e zemrës, veçanërisht kur bëhet fjalë për duhanpirësit dhe personat që i përkasin grupit të pijeve alkoolike me rrezikshmëri të lartë.

Kështu tregon një studim i shkencëtarëve në Fakultetin e Mjekësisë në Universitetin e Danimarkës, të cilët analizuan të dhënat e ushqimit të 53.048 shtetasve danezë për 23 vjet me radhë.

Ata zbuluan se gjasat për vdekje nga kanceri ose sëmundja e zemrës ishin më të ulëta tek individët që konsumonin ushqime të moderuara dhe më të pasura me flavonoide çdo ditë.

Ato fillimisht u quajtën si vitamina P, por me këtë emër nuk nënkuptohet një vitaminë e vërtetë, por një grup lëndësh bimore. Pothuajse 6.000 flavonoide janë zbuluar deri më sot, dhe emri vitamina P u krijua më 1930 nga laureati i Nobelit Albert St. George, i cili është meritor për zbulimin e vitaminës C.

Flavonoidet janë nënprodukte të metabolizmit të bimëve. Edhe pse gjenden në një numër të madh të specieve bimore, ato kanë një efekt të fortë parandalues për të mbrojtur sistemin kardiovaskular dhe nervor, dhe janë veçanërisht të efektshme në parandalimin dhe trajtimin e kancerit dhe sëmundjeve të tjera serioze.

Ato gjithashtu njihen për veti të fuqishme antioksidues. Stimulojnë sistemin imunitar dhe parandalojnë dhe zbusin efektet ekzistuese të stresit oksidues.

Nikola Bondono, drejtuese e studimit danez, tha që ajo dhe kolegët vunë re një fenomen tjetër interesant.

Efekti mbrojtës i konsumimit të ushqimeve të pasura me flavonoide ishte veçanërisht i fuqishëm në individët me sëmundje kronike me rrezik të lartë të shkaktuar nga pirja e duhanit, si dhe tek individët që konsumonin më shumë se dy pije alkoolike standarde çdo ditë.

Zakonisht, pije standarde konsiderohen ato që përmbajnë afro 8 deri në 14 gramë alkool të pastër. Për shembull – një pije standarde është një shishe birrë (0.33 litra shishe me 5 për qind alkool), një gotë verë (140 mililitra me 12 për qind alkool) ose një gotë e pijeve alkoolike (40 mililitra me 40 për qind alkool).

“Është e rëndësishme të theksohet se konsumimi i flavonoideve nuk eliminon plotësisht rrezikun e rritur të pirjes së duhanit ose konsumin e alkoolit. Sidoqoftë, gjëja më e mirë që mund të bëni për shëndetin tuaj është të ndaloni pirjen e duhanit dhe të zvogëloni konsumin e alkoolit, “tha Bondono.

“Konsumi i përditshëm i ushqimeve të pasura me flavonoid mund të jetë një nxitje për të zvogëluar këtë rrezik të rritur dhe të inkurajojë individët të ndalojnë pirjen e duhanit dhe të zvogëlojnë konsumimin e alkoolit,” shton ajo.

Studimi zbuloi se rreziku më i ulët i vdekjes nga kanceri ose sëmundjet kardiovaskulare shihej te njerëzit që konsumonin rreth 500 miligram flavonoide çdo ditë.

Çdo ditë duhet të konsumohen komponime të ndryshme flavonoide nga ushqimet bimore dhe pijet. Për shembull: një filxhan çaj, një mollë, një portokall, 100 gramë boronica dhe 100 gramë brokoli në ditë përbëjnë një gamë të gjerë të komponimeve flavonoid, përkatësisht mbi 500 miligramë flavonoide.

Natyra e efektit mbrojtës dhe lidhja e konsumit të flavonoideve me një rrezik më të ulët të vdekjes nga kanceri dhe sëmundjet e zemrës nuk është sqaruar në tërësi, por është shumëfishe.

“Pirja e sasive të mëdha të alkoolit dhe duhanit çdo ditë rrit proceset inflamatore dhe dëmton enët e gjakut, gjë që rrit rrezikun e zhvillimit të një numri të madh të sëmundjeve. Ne kemi zbuluar se flavonoidet kanë efekte të mëdha antiinflamatore dhe përmirësojnë enët e gjakut, gjë që shpjegon ndikimin e tyre në uljen e rrezikut të vdekjes nga sëmundjet e zemrës dhe kancerit “, shpjegon Bondono, duke shtuar se hapi tjetër është të studiohen më saktësisht se në cilat lloje të kancerit dhe sëmundjes së zemrës ndikojnë flavonoidet në mënyrë më efektive.