Lista e të ftuarve të Pirlos kundër Spezias, dy befasi

Andrea Pirlo ka zbuluar listën e skuadrës për ndeshjen e Juventusit në shtëpi kundër Spezias sonte, teksa janë ftuar Alvaro Morata dhe Nicolo Fagioli.

Takimi luhet me fillim nga ora 20:45, transmeton Periskopi.

Trajneri i ‘Zonjës së Vjetër’ konfirmoi skuadrën për përballjen me Spezian, ku do të duhet t’ia dalë pa emra si Leonardo Bonucci, Giorgio Chiellini, Juan Cuadrado, Arthur Melo dhe Paulo Dybala.

Fagioli ka pasur një problem me lëndim, por prapë është ftuar, megjithatë Aaron Ramsey pritet të startojë.

Morata ka pasur një problem me stomak, andaj është sugjeruar se ai mund të mungojë ose ta fillojë ndeshjen nga banka rezervë.

Skuadra e plotë e Juves kundër Spezias: Szczesny, Pinsolgio, Buffon; De Ligt, Alex Sandro, Danilo, Demiral, Di Pardo, Dragusin, Frabotta; Ramsey, McKennie, Chiesa, Rabiot, Bentancur, Bernardeschi, Fagioli, Kulusevski, Peeters; Ronaldo, Morata, Aké. /Periskopi.com/