Linja e ardhshme iPad Pro do të ketë mbështetjen Face ID

Hulumtuesi i kompanisë KGI Securities, Ming-Chi Kuo, ka thënë se Apple do të shtojë kamerën TrueDepth dhe funksionin Face ID në modelin iPad Pro vitin e ardhshëm, transmeton KosovaPress.

Megjithatë, nuk pritet që Face ID të arrijë në modelet, cilat nuk janë iPad Pro në një kohë të afërt.

Nga ana tjetër, të gjitha modelet iPhone për 2018 do të kenë Face ID.

Modelet e reja iPad Pro mund të arrijnë gjatë gjysmës së parë të vitit 2018, duke pasur parasysh se përditësimi i fundit për iPad Pro ishte në qershor të këtij viti.