Letra emocionuese e Toni Kroosit për tifozët e Real Madridit: Ma ndryshuat jetën, tani dua ta fitojë Championsin

Mesfushori i Real Madridit dhe Gjermanisë, Toni Kroos ka vendosur të pensionohet pas Kampionatit Evropian të kësaj vere.

Mesfushori 34-vjeçar njoftoi vendimin e tij për t’u tërhequr nga futbolli në Instagram para pak çasteve.

Më poshtë keni letrën e tij emocionuese në drejtim të tifozëve të Real Madridit:

“Siç kam thënë gjithmonë: Real Madrid është dhe do të jetë klubi im i fundit”.

“17 korrik 2014 – dita e prezantimit tim në Real Madrid, dita që ndryshoi jetën time. Jetën time si futbollist – por veçanërisht si person. Ishte fillimi i një kapitulli të ri në klubin më të madh në botë. Pas 10 vitesh, në fund të sezonit ky kapitull merr fund. Nuk do ta harroj kurrë kohën e suksesshme! Do të doja të falënderoja veçanërisht të gjithë ata që më pritën me zemër të hapur dhe më besuan. Por veçanërisht dua t’ju falënderoj, të dashur Madridistë, për dashurinë tuaj nga dita e parë deri në të fundit. Në të njëjtën kohë ky vendim do të thotë që karriera ime si futbollist aktiv do të përfundojë këtë verë pas kampionatit evropian”.

“Jam i lumtur dhe krenar që në mendjen time gjeta kohën e duhur për vendimin tim dhe që mund ta zgjidhja vetë. Ambicia ime ishte gjithmonë të përfundoja karrierën time në kulmin e nivelit tim të performancës. Tani e tutje ka vetëm një mendim kryesor: a por la 15!!! HALA MADRID Y NADA MAS!”, shkroi Kroos.