Leao: Ndeshja kundër Portos është sikur një finale për ne
Rafael Leao ka dhënë komentet e tij para ndeshjes së radhës për Milan.
Ylli portugez dhe skuadra e tij do të kërkojnë tri pikët në kuadër të Champions League, në përballjen kundër Portos.
Ndeshja e së martës për lojtarin do të ketë rëndësi të madhe. Madje, ai e konsideron si një finale.
“Mendoj se çfarë më mungonte ishte kontinuiteti. Sot, luaj më rregullisht falë shokëve të mi dhe trajnerit”, ka thënë Leao, transmeton Periskopi.
“Të luajmë ndaj Portos është e vështirë. Do të jetë sikur finale. Duam të fitojmë dhe të marrim pikë për të ecur përpara”, ka shtuar portugezi.
“Është një finale dhe do të jetë nga minuta e parë”, ishin fjalët e tij.
Milan nuk e ka nisur aspak mirë sezonin në Champions League, por synon të kthehet te fitorja. /Periskopi/
