Kryetari i LDK-së, Lumir Abdixhiku ka mbajtur sot një takim me kryetarët e degëve të partisë, shkruan Periskopi.

Përmes një postimi në llogarinë  etij në Facebook, Abdixhiku ka njoftuar se me ta ka diskutuar për listat zgjedhore, komisionerët e vëzhguesit e Lidhjes Demokratike.

“Të 170 takimet e fundit, brenda 50 ditëve, ishin jo vetëm frymëzuese, por dhe shenjë e qartë e konsolidimit të së djathtës në Kosovë.

Do të vazhdojmë njëjtë; në çdo qytet, çdo fshat, çdo anë. Lidhja është e fortë; dhe e djathta po ringritet si një!”, ka shkruar Abdixhiku ndër të tjera.

Postimi i tij i plotë:

Mblodha sot kryetarët e degëve të Lidhjes Demokratike. Diskutuam për listat zgjedhore, komisionerët e vëzhguesit e Lidhjes Demokratike. Biseduam dhe për takimet e ardhshme me qytetarë si platformë kryesore e komunikimit politik.
Të 170 takimet e fundit, brenda 50 ditëve, ishin jo vetëm frymëzuese, por dhe shenjë e qartë e konsolidimit të së djathtës në Kosovë.
Do të vazhdojmë njëjtë; në çdo qytet, çdo fshat, çdo anë. Lidhja është e fortë; dhe e djathta po ringritet si një!