LAJMI I FUNDIT: Policia arreston në Vushtrri “Bio Mulakun”
Drejtoria për Hetimin e Krimeve Ekonomike dhe Korrupsionit e Policisë së Kosovës ka arrestuar në Vushtrri Nazmi Mulakun, i njohur në opinion si Bio Mulaku.
Burime nga prokuroria bëjnë të ditur se ai është arrestuar në lokalin e tij ku punonte në Vushtrri prej shumë vitesh.
Siç mëson Periskopi, Nazmi Mulaku është arrestuar nën dyshimin e kryerjes së veprave penale ushtrim kundërligjshëm veprimtarisë mjekësore dhe mashtrim.
Së bashku me Nazmi Mulakun është arrestuar edhe një bashkëpunëtor i tij nga fshati Kçiq i Mitrovicës me inicialet P.I.
Ndryshe, Bio Mulaku në opinion është paraqitur si mjek popullor, duke publikuar edhe shumë video kinse gjatë “seancave” të “shërimit” të të sëmurëve.
