Lahi Brahimaj fton qytetarët në tubimin përmbyllës të AAK-së në Gjakovë
Kandidati për deputet nga koalicioni AAK-Nisma, Lahi Brahimaj, ka njoftuar për tubimin përmbyllës të partisë.
Ai ka ftuar qytetarët e Republikës së Kosovës, anëtarët dhe simpatizantët e AAK-së që të bashkohen me të sonte në Pallatin e Kulturës në Gjakovë.
Brahimaj e falënderoi publikisht për mbështetje qytetarët për angazhimin e tyre gjatë 30 ditëve të fushatës, duke potencuar se Gjakova ka qenë dhe do të mbetet një bastion i AAK-së.
Tubimi do të mbahet nga ora 17:30, në përmbyllje të aktiviteteve të fushatës së AAK-së për zgjedhjet e 9 shkurtit.
Lahi Brahimaj kandidon me numrin 90.
