La Liga ka kërkuar nga klubet të veshin fanella me këtë shprehje kundër Super Ligës Evropiane
Sipas ‘ESPN’, La Liga ka kërkuar nga klubet e ligës që të përdorin fanella të veçanta gjatë nxemjeve para ndeshjeve.
La Liga thuhet t’u ketë kërkuar klubeve që të mbajnë veshur fanellat që japin mesazhin: “Sigurojeni atë (për pjesëmarrjen në Ligën e Kampionëve)”.
Gjithashtu, në këtë fanellë është përfshirë edhe mesazhi: “Futbolli është për tifozët”, duke u rikujtuar atyre që të mos ndërmarrin hapa në krijimin e Superligave.
Superliga, përmes një komunikate zyrtare, ka njoftuar se do të suspendohet pasi shumë klube u larguan nga ajo.
Fanella të ngjashme me këtë mesazh, kanë veshur edhe lojtarët e skuadrës nga Anglia, Leeds United, në përballje me njërin nga klubet themeluese (tashmë të larguar), Liverpoolin.
