‘Ky është krim’ – fansat e Liverpoolit nuk po mund ta besojnë se Van Dijk, Salah dhe Thiago do të luajnë në EL
Fansat e Liverpoolit duket se janë shumë të shqetësuar për shanset e sezonit tjetër për të luajtur në Champions League.
‘Të Kuqtë’ barazuan 1-1 me Neëcastlen të shtunën, me drama të vonshme derisa VAR anuloi një barazim në kohën shtesë për ‘Magpies’, para se i huazuari nga Arsenali, Joe ëilock të barazonte përfundimisht krejt në sekondat e fundit, transmeton Periskopi.
Pas vërshëllimës së fundit, fansat e Liverpoolit nuk mundën ta besonin pozitën e skuadrës, vetëm një sezon pasi fituan Champions League.
Jurgen Kloppi me djelmoshat e tij renditen në vendin e gjashtë në tabelë, një pikë larg vendit të katërt Chelseat, e cila ka një ndeshje më pak të luajtur.
Evertoni është në vendin e shtatë me dy pikë më pak, por edhe ‘Toffees’ kanë një ndeshje më pak të luajtur se ‘Të Kuqtë’.
Kjo ndikoi që fansat t’i kapte paniku për prospektin e garës në Europa League sezonin e ardhshëm, dhe disa nuk mundën ta besonin se kjo skuadër me këta super futbollistë mund të luajë të enjteve mbrëma. /Periskopi.com/
