Kush i mungon Kosovës sonte?

Kombëtarja e Kosovës sonte me fillim nga ora 18:00 do të takohet me Irlandën e Veriut në kuadër të rundit të pestë në Ligën e Kombëve.

Kombëtarja jonë nuk është tërsisht e kompletuar, pasi tekniku Alain Giresse nuk mund të llogarisë në katër futbollistët e tij: Amir Rrahmanin, Leart Paqaradën, Mërgim Vojvodën dhe Shkëlqim Vladin, shkruan Periskopi.

Ndonëse me këto mungesa, ‘Dardanët’ sonte kërkojnë fitore në stadiumin “Windsor Park”.

Kujtojmë se ndeshja e parë e zhvilluar mes këtyre dy ekipeve më 9 qershor, në stadiumin “Fadil Vokrri”, ishte mbyllur me rezultatin 3:2.

Kështu, Greqia e ka siguruar vendin e parë në këtë grup, teksa Kosova synon ta mbajë vendin e dytë, aty ku pozicionohet momentalisht me 6 pikë.

Ndërkaq, Irlanda e Veriut është e treta në grup me 2 pikë, së bashku me Qipron që ndodhet në vendin e katër me po aq pikë./Periskopi/