Kurrë nuk harrohet momenti kur Van Dijk i tregoi botës si ndalet Mbappe një kundër një
Bayern Munich nuk pati kundërpërgjigje ndaj Kylian Mbappes të mërkurën mbrëma në ndeshjen e parë çerekfinale të Champions Leagues, kundër Paris Saint-Germainit.
Sulmuesi këmbëshpejtë shkaktoi stuhi në mbrojtjen e gjermanëve me kundërsulme në ‘Allianz Arena’, duke shënuar dy gola në fitoren 3-2, transmeton Periskopi.
Shpejtësia e Mbappes ishte thjesht e tepërt për Bayernin dhe djelmoshat e Hansi Flick tash i pret një mal për ta ngjitur javën e ardhshme në kryeqytetin francez.
Për të qenë të sinqertë, absolutisht nuk ka asgjë për t’u turpëruar të dominohesh nga Mbappe, një lojtar i klasit botëror të cilin vetëm koha e ndan nga fitimi i ‘Topit të Artë’.
Shpjetësia e francezit me topin në këmbë është gati supernjerëzore dhe disa prej mbrojtësve më të mirë në botë nuk kanë mundur as t’i afrohen ndër vite.
Epo, përveç Virgil van Dijkut…
Gjatë një përballjeje në Ligën e Kombeve mes Francës dhe Holandës në vitin 2018, ylli i Liverpoolit i tregoi botës si ndalet Mbappe në shpejtësi të plotë në kundërsulm.
Kjo video duhet të përsëritet në zhveshtoren e Bayernit para ndeshjes të së martës në Paris. /Periskopi.com/
