“Kur të vijnë skanerët” – Kurti flet për vendkalimet e tjera për mallrat serbe që do të hyjnë në Kosovë
Kryeministri i Kosovës, Albin Kurti ka vizituar sot komunën e Leposaviqit, ku është takuar me kryetarin e kësaj komune, Lulzim Hetemi.
Nga Leposaviqi ai ka folur për heqjen e ndalesës për mallrat serbe që hyjnë në Kosovë.
Ai ka theksuar se në vendkalimin Merdare doganierët kryejnë kontroll manual të mallit, i cili kërkon shumë kohë.
“Kemi hapur kufirin e Merdarës, edhe pse nuk kemi marrë ende skaner, edhe pse na kanë premtuar, aty po bëhet kontrolli manual, por kufijtë e tjerë që kemi me Serbinë që janë disa qindra kilometra do të të hapen kur të mbërrijnë skanerët”, tha ai. Kurti.
Ai ka theksuar se Qeveria e Kosovës në bashkëpunim me doganat e Kosovës kanë tentuar të blejnë skanerë, por se kanë marrë premtimin për donacion nga Evropa dhe SHBA-ja.
“Nuk e di se kur do të jetë, por deri atëherë duhet ta bëjmë këtë kontroll manual, i cili nuk është i mirë për doganierët tanë, por është i nevojshëm”, tha Kurti
