Ku është Messi ka edhe spektakël, Mbappe e Neymar e mbyllin natën me ‘hat-trick’
Paris Saint-Germain ka shënuar fitore të thellë në udhëtim ndaj Clermont me rezultat 1:6.
Mbappe e Neymar dhuruan spektakël me nga tre gola, kurse Lionel Messi dhuroi tri asiste.
Ishte minuta e gjashtë, kur Neymar kaloi mysafirët në epërsi, duke u asistuar nga Messi.
Në minutën e 19-të realizoi Mbappe, i cili po ashtu u asistua nga shtatë herë fituesi i Topit të Artë.
Vendasit treguan shenja jete, duke ngushtuar epërsinë në minutën e 42-të nëpërmjet Dossou, por kjo ishte krejt cfarë bënë vendasit.
Messi ia la penalltinë Neymarit, i cili e konkretizoi në gol në minutën e 71-të të ndeshjes.
Tre minuta më vonë, Mbappe realizoi për 1:4, duke u asistuar nga Neymar.
Mbappe e kompletoi hat-trikun e tij në minutën e 80-të, kur u asistua nga Messi.
Tre minuta më vonë, Neymar kompletoi po ashtu hat-trikun.
Me këtë fitore, PSG shkon në kuotën e 71 pikëve, 15 më shumë se Rennes që gjendet në vendin e dytë.
