Krenar Xhaferi: Unaza e Brendshme po merr formë, do t’u mundësojë qytetarëve një lëvizje më të lehtë
Drejtori për investime kapitale në komunën e Prishtinës dhe kandidati për deputet nga LDK, Krenar Xhaferi ka njoftuar se projekti për Unazën e Brendshme po realizohet.
Xhaferi tha se ky projekt do t’u mundësojë qytetarëve një lëvizje më të lehtë.
“Unaza e Brendshme po merr formë, duke lidhur Arbërinë me Lakrishten dhe duke ofruar një zgjidhje të re për qarkullimin në Prishtinë”, ka shkruar mes tjerash Xhaferi.
Postimi i plotë:
Një ndër projektet më të mëdha infrastrukturore po bëhet realitet!Unaza e Brendshme po merr formë, duke lidhur Arbërinë me Lakrishten dhe duke ofruar një zgjidhje të re për qarkullimin në Prishtinë. 
Ky projekt do t’u mundësojë qytetarëve një lëvizje më të lehtë, një komunikacion njëkahësh dhe do të lehtësojë ndjeshëm trafikun në qendër të qytetit, pasi rrjedha e qarkullimit do të drejtohet në mënyrë të organizuar.
Vazhdojmë përpara 
