Krejt çka dihet deri më tani për vdekjen e presidentit Raisi dhe të njerëzve që ndodheshin në helikopter me të

Pas më shumë se 10 orësh kërkime, nga Irani mbërriti informacioni se u gjet helikopteri me presidentin Ebrahim Raisi, por që nuk kishte të mbijetuar.

“Nuk është gjetur asnjë i mbijetuar”, thuhet në njoftimin e agjencive iraniane të lajmeve. Me Raisin në helikopter ishte ministri i Jashtëm i Iranit, si dhe zyrtarë të tjerë. Një njoftim zyrtar për vdekjen e tyre ende nuk është bërë.

Është konfirmuar se presidenti iranian, ministri i Punëve të Jashtme dhe disa persona të tjerë kanë humbur jetën në rrëzimin e helikopterit, njoftoi televizioni shtetëror.

Kryeministri i Pakistanit Shehbaz Sharif ka shpallur  ditë zie për vdekjen e presidentit iranian Ebrahim Raisi në një aksident me helikopter.

Sharif kohët e fundit priti Raisin dhe ministrin e Jashtëm iranian Hossein Amirabdollahian kur ata vizituan Pakistanin dhe tha: “Ata ishin miq të mirë të Pakistanit”.

Grupi militant palestinez, Hamasi ka reaguar pas lajmit tw vdekjes sw presidentit iranian, Ebrahim Rais dhe ministrit të Jashtëm Hossein Amir-Abdollahian.

Një deklaratë e publikuar në faqen zyrtare të Hamasit thotë se grupi ka “ndarë ndjenjat e trishtimit dhe dhimbjes me popullin vëlla iranian” dhe “solidaritetin tonë të plotë” me Iranin.

Deklarata e grupit përshkruan ata që humbën jetën në rrëzimin e helikopterit si “një grup prej udhëheqësve më të mirë iranianë që kishin një udhëtim të gjatë në rilindjen e Iranit”.

Ndryshe, operacionet e kërkim-shpëtimit të Presidentit Raisi ishin në lulëzim të plotë për mbi 10 orë.

Se gjithçka po çon në një fund tragjik u la të kuptohet kur kreu i Gjysmëhënës së Kuqe iraniane deklaroi se situata ishte shumë e vështirë.

Kushtet e motit gjatë kërkimit janë jashtëzakonisht të vështira. Aksioni ishte i vështirë për shkak të errësirës dhe të ftohtit ekstrem.

Komandanti i Përgjithshëm i Korpusit të Gardës Revolucionare Islamike Hossein Salami mbërriti në vendin e rrëzimit për të ndihmuar në udhëheqjen e përpjekjeve të kërkimit dhe shpëtimit.

“Ne kemi një kushtetutë që qeveris vendin dhe nuk ka nevojë të shqetësohemi për ndonjë skenar që mund të ndodhë,” tha zyrtari i paidentifikuar.

Publikohen pamjet e para nga vendi i rrëzimit të helikopterit ku ndodhej Ebrahim Raisi

Vdekja e presidentit, qeveria e Iranit thërret mbledhje urgjente