Krasniqi në Ditën e Forcës: FSK sot është e gatshme për çdo mision ushtarak, duke na përfaqësuar dinjitetshëm kudo
Kryetari i PDK-së, Memli Krasniqi në Ditën e Forcës ka thënë se FSK e ka përvetësuar standardet e NATO-s dhe është e gatshme pë cdo mision ushtarak, shkruan Periskopi.
“Respekt e mirënjohje për të gjithë vajzat dhe djemtë më të mirë e më të shquar të vendit tonë, që në uniformën e FSK-së i shërbejnë atdheut me nder, përkushtim e integritet”, ka shkruar Krasniqi.
Postimi i plotë:
Sot shënojmë Ditën e Forcës – krenarisë sonë, fuqisë mbrojtëse të sovranitetit të Republikës së Kosovës. Forca e Sigurisë së Kosovës, e cila ka përvetësuar standardet e NATO-s, si dhe zotëron e dëshmon nivel të lartë të përgatitjes profesionale, sot është e gatshme për çdo mision ushtarak, duke na përfaqësuar dinjitetshëm kudo dhe në çdo moment.
Respekt e mirënjohje për të gjithë vajzat dhe djemtë më të mirë e më të shquar të vendit tonë, që në uniformën e FSK-së i shërbejnë atdheut me nder, përkushtim e integritet.
Urime Dita e Forcës!
