Kosovë – Greqi: UEFA cakton gjyqtarin francez për të ndarë drejtësinë

Kombëtarja e Kosovës në futboll do të ketë Greqinë si kundërshtare të radhës.

Pasi mori një fitore historike në Gjeorgji, Dardanët synojnë të futen në ecuri fitoresh në kualifikueset e Botërorit 2022.

Ndeshja e radhës për Dardanët do të jetë në shtëpinë e tyre në ‘Fadil Vokrri’, kundër Greqisë.

Për këtë ndeshje, UEFA tashmë ka caktuar edhe gjyqtarët e takimit, përcjell Periskopi.

François Letexier do të jetë gjyqtari kryesor i takimit, dhe do të ndihmohet nga asistentët e tij Cyril Mugnier dhe Mehdi Rahmouni.

Në dhomën e VAR do të jetë Delajod Willy, kurse asistent i tij do të jetë Thomas Leonard.

Gjyqtari i katërt i takimit që luhet në Prishtinë do të jetë Jeremy Stinat.

Ndeshja mes Kosovës dhe Greqisë luhet më 5 shtator, me fillim nga ora 20:45. /Periskopi/