Kosova mposht Spanjën për kualifikimet e Euro U19
Të rinjtë e Kosovës kanë mposhtur Spanjën për kualifikimet në EuroU19 2024.
Ndonëse spanjollët krijuan epërsi të dyfishtë në pjesën e parë, po në këtë pjesë djemtë e Kosovës arritën ta shkrimin disavantazhin, e madje edhe krijuan epërsi prej 3-2.
Në fillim të pjesës së dytë, spanjollët realizuan për 3-3.
Ndeshja vazhdoi me këtë rezultat deri në minutën e tretë shtesë të ndeshjes, kur Elvir Gashijani shënoi për rezultatin 4-3, rezultat me të cilin edhe u mbyll ndeshja.
Kjo është fitorja e parë e Kosovës U19 në këtë fazë, pas humbjes 4-0 nga Austria.
Aktualisht, Kosova renditet e dyta në grup, të cilin e kryeson Austria, kurse Spanja dhe Ishujt Faroe zënë pozitat 3 respektivisht 4.
