Kosova barazon me Armeninë në “Fadil Vokrri”

Kosova barazon me Armeninë në “Fadil Vokrri”

Kombëtarja e Kosovës ka barazuar në ndeshjen e parë miqësore të nëntorit.

Të përzgjedhurit e Alain Giresse luajtën baras sonte me Armeninë.

Ndeshja e zhvilluar në stadiumin “Fadil Vokrri” u mbyll me rezultatin 2:2.

Mysafirët kaluan të parët në epërsi në minutën e 24-të, me golin e shënuar nga Zhirayr Shaghoyan.

Futbollistët tanë barazuan shifrat në minutën e 67-të, pasi Lirim Kastrati u tregua i saktë nga pika e penalltisë.

Armenët rikthyen epërsinë në minutën 82-të, kur shënoi Hovhannes Harutyunyan.

Derisa ndeshja po shkonte drejt fundit, në skenë u shfaq Donat Rrudhani, i cili shënoi në minutën e tretë shtesë (90+3’) për rezultatin përfundimtar 2:2.

Kosova pas tri ditësh do të zhvillojë miqësoren e dytë, kundër Ishujve Faroe, që do të jetë edhe e fundit për “Dardanët” për këtë vit.

Edhe kjo ndeshje do të zhvillohet në stadiumin “Fadil Vokrri”.

Shpërndaje në: