Konjufca e uron Trumpin pas fitores: ShBA-ja është kryealeati ynë

Kryetari i Kuvendit të Kosovës, Glauk Konjufca, ka uruar Donald Trumpin për fitoren e tij në garën për president të Shteteve të Bashkuara të Amerikës.

Konjufca ka thënë se mezi pret që të fillojë punën me administratën Trump dhe për t’i thelluar edhe më tutje raportet e shkëlqyera të dy vendeve.

“ShBA-ja është kryealeati ynë, me të cilin ndajmë vlerat, synimet dhe interesat, të cilat jam i bindur se do t’i shtyjmë përpara edhe më tutje gjatë mandatit të presidentit Trump.” – ka shkruar ai.

Shkrimi i plotë:

Urime të përzemërta z. Donald Trump për fitoren e tij në këto zgjedhje presidenciale të Shteteve të Bashkuara të Amerikës!

Mezi pres që të fillojmë punën me adminastratën e re amerikane, për të thelluar edhe më tutje raportet tona të shkëlqyera.

ShBA-ja është kryealeati ynë, me të cilin ndajmë vlerat, synimet dhe interesat, të cilat jam i bindur se do t’i shtyjmë përpara edhe më tutje gjatë mandatit të presidentit Trump.