Konfiskohen 4 mijë copë të detergjentit “Ariel” nga Dogana e Kosovës

Dogana e Kosovës ka bërë të ditur se ka konfiskuar rreth 4 mijë copë të mallit të falsifikuar, preparate për larje dhe pastrim.

Në njoftimin e lëshuar thuhet se sipas dispozitave ligjore në fuqi, mallrat e falsifikuar nuk lejohet të dalin në qarkullim të lirë.

“Dogana e Kosovës është e përkushtuar maksimalisht në luftimin e falsifikimit dhe piraterisë dhe si rezultat i zbatimit efektiv të të drejtave të pronësisë intelektuale, Dogana e Kosovës pas pranimit të konfirmimit nga bartësit e të drejtave ka konfiskuar mallin e falsifikuar, preparate për larje dhe pastrim të në sasi rreth 4,000 copë. Sipas dispozitave ligjore në fuqi, mallrat e falsifikuar nuk lejohet të dalin në qarkullim të lirë”, thuhet në njoftim.