“Konfirmohen” specifikat e Galaxy Note7

Pas konfirmimit se pajisja Note e ardhshme e kompanisë Samsung do të quhet Galaxy Note7, llogaria e famshme në Twitter, @evleaks, ka zbuluar disa nga specifikat kyçe të kësaj pajisje.

Sipas informatës të cilën kjo llogari ka shpërndarë, Note7 do të vjen me ekran 5.7-inç QHD Super AMOLED, kamerën kryesore prej 12 megapikselë dhe atë të përparme prej 5 megapikselë, si dhe do të vijë me 64 gigabajt memorie të brendshme, transmeton Koha.net. Kjo pajisje do të certifikohet me IP68, dhe do të jetë në dispozicion me ngjyrë të zezë, të argjendtë dhe të kaltër.

Përveç kësaj, @evleaks po ashtu ka zbuluar se Galaxy Note7 do të vjen edhe me skaner për sy, gjë e cila tashmë është konfirmuar.

Galaxy Note7 pritet të zbulohet zyrtarisht në javën e parë të muajit gusht, saktësisht më 2 gusht.