Koeman do të shkarkohet – Laporta ka listën me 4 emrat që mund ta zëvendësojnë

Gjasat që Ronald Koeman të shkarkohet nga posti i trajnerit të Barcelonës janë të mëdha.

Trajneri holandez ka dështuar të sigurojë rezultate pozitive duke regjistruar edhe startin më të dobët në historit të Barcelonës në Champions League, duke mos shënuar gol në dy ndeshjet e para.

Mediet në Spanjë e japin si punë të kryer shkarkimin e trajnerit, kurse tani dalin edhe emrat që mund ta zëvendësojnë atë.

Sipas ‘Sport’, të cilët shkruajnë se Koeman do të shkarkohet brenda pak orëve, Joan Laporta ka listën me katër emra si alternativa, transmeton Periskopi.

Roberto Martinez, Andrea Pirlo, Xavi Hernandez e Muneco Gallardo janë katër alternativat.

Martinez ka qenë në listën e ngushtë edhe para se Koeman të merrte drejtimin, ashtu siç ishte edhe Xavi Hernandez.

Pirlo ishte eksperiment i dështuar te Juventus, kurse Gallardo është risi për të gjithë, por ‘Rac1’ shkruan se argjentinasi ka gjasat më të mëdha për t’u emëruar.

Gallardo është pa skuadër së fundmi, pasi përfundoi aventurën e tij me River Plate. Në anën tjetër, Gerard Romero shkruan se trajneri nuk është opsion. Ai thuhet të jetë kontaktuar ditë më parë, por ka refuzuar një afrim të mundshëm.

Mbetet të shihet se cila do të jetë zgjedhja për stolin katalan. /Periskopi/