Koeman: Barazimi ndaj Cadizit më i rëndë sesa humbja ndaj PSG
Barazimin e sotëm 1-1 ndaj Cadizit, trajneri i Barcelonës, Ronald Koeman e quajti më zhgjënjyes sesa humbja ndaj PSG të martën në Champions League.
Sot Barcelona humbi shansin për të zvogëluar hendekun me Atletico Madridin e mundur nga Levante të Shtunën në gjashtë pikë dhe Koeman tha se ndjenja ishte më e keqe sesa pas humbjes të së martës 4-1 ndaj PSG-së në fazën 1/16-të Ligës së Kampionëve.
“Është zhgënjyese,” tha Koeman pas ndeshjes. “Këto lloje lojërash duhet të fitohen dhe ne nuk e bëmë. Ishte një mundësi e shkëlqyer e humbur pas humbjes së Atleticos. Unë jam shumë i zhgënjyer, më shumë sesa të martën.”
“Ne nuk mund të lejojmë që dy pikë të largohen në këtë mënyrë. Nuk më pëlqen të fajësoj lojtarë individualë, por ne nuk ishim në lartësinë e detyrës në mënyrë sulmuese dhe duhet të mbrohemi ndryshe. Për cilësinë tonë, ne duhet të fitonim.”
“Ne ende mund të bëjmë diçka,”, vazhdoi Koeman. “Nuk ka asnjë skuadër që fiton lojëra lehtë. Por ne duhet të pranojmë që mundësi si kjo nuk mund të humbasin më. Unë nuk mendoj se është e pafalshme, por ishte një mundësi për të mbyllur hendekun.”
“Asnjë ekip nuk është i pamposhtur, dhe as nuk do të fitojnë çdo ndeshje. Ka akoma mundësi. Por ne kemi humbur dy pikë të rëndësishme”, tha holandezi.
