Ata po ofronin paga marramendëse, duke bindur edhe një nga lojtarët më të mirë të historisë, Cristiano Ronaldon.

Ai paguhet 200 milionë euro në vit nga Al-Nassr.

Por, edhe më shumë se aq ishte i gatshëm Al-Hilal t’i ofronte Lionel Messit, por ai refuzoi.

Siç raportojnë mediat argjentinase, Messi i tha jo një page javore që sillej prej 15 deri në 20 milionë euro, për t’iu bashkuar Inter Miamit.

Raporti nga “Fox Sport Argentina” shton se paga e tij vjetore, duke përfshirë bonuset, do të shkonte deri në 900 milionë euro ose në rastin më të mirë, edhe mbi 1 miliard euro.

Lionel Messi është pjesë e Inter Miamit në MLS që nga vera e vitit të kaluar, derisa ka kontratë deri në dhjetor të 2025-ës.

Messi fiton 54 milionë dollarë te klubi i drejtuar nga David Beckham.