Kjo është pajisja e gjurmimit GPS që u gjet në veturën e gazetarit Vehbi Kajtazi (VIDEO)
Gazetari Vehbi Kajtazi ka njoftuar se një “pajisje e dyshimtë” është gjetur në njërën prej rrotave të veturës së tij, pasi e kishte dërguar te mekaniku.
Në fotografi shihet pajisa që iu gjet atij në veturë. Është pajisje e gjurmimit GPS, e cila mbledh informacione në kohë reale.
Kajtazi shkroi më herët në Facebook se Policia kishte dalë në vendin e ngjarjes dhe se për këtë është njoftuar edhe Prokuroria.
“Sot kam sjell veturen ne servis per kontroll. Gjate kontrollit eshte zbuluar se ne veturen time eshte nje pajisje e dyshimte e vendosur ne anen e majte afer rrotes. Policia eshte ne vend te ngjarjes duke pritur njesite e specializuara. Per kete rast eshte njoftuar edhe prokurori i shtetit”, shkroi ai.
VIDEO:
