Kjo është data se kur zhvillohet finalja e madhe e Ligës së Kampionëve

Interi mundi Milanin 3-0 në total në gjysmëfinale të Ligës së Kampionëve dhe do të fluturojë për në Stamboll, ku do të përballet me Real Madridin ose Manchester Cityn më 10 qershor.

Nerazzurrët kanë arritur në finalen e tyre të parë të Ligës së Kampionëve që nga viti 2010 kur ata ngritën trofeun.

Lojtarët e Simone Inzaghit do të luajnë në finalen e Stambollit më 10 qershor të këtij sezoni, pasi mundën Milanin me rezultat të përgjithshëm 3-0.

Edin Dzeko dhe Henrikh Mkhitaryan dhanë golat në ndeshjen e parë, ndërsa goditja e Lautaro Martinez ndihmoi Nerazzurrët të siguronin një fitore 1-0 në ndeshjen vendimtare.

Benamata do të takohen në finale me Real Madridin e Carlo Ancelottit ose Manchester Cityn e Pep Guardiolës. Gjigantët e La Ligës dhe Premier League do të përballen në Etihad Stadium të mërkurën pas barazimit 1-1 në Spanjë javën e kaluar.

Finalja do të zhvillohet në Stadiumin Olimpik Atatürk në Stamboll më 10 qershor 2023, me orën e fillimit në orën 21:00.

Kjo do të jetë finalja e gjashtë e Interit në kompeticionin elitar të Evropës.Simone Inzaghi është trajneri i dytë italian në krye të Interit që kualifikohet në finale pas Giovanni Invernizzi në 1972.