Khabib lëshon mesazhin me zë që Ibrahimovic ia dërgoi para fitores kundër Gaethje

Khabib Nurmagomedov i dha fund karrierës së bujshme në UFC, pasi mposhti Justin Gaethjen në tetorin e kaluar.

Ylli rus dërgoi bilancin e tij në 29-0, pasi e detyroi Gaethjen të dorëzohet në rundin e dytë.

Khabib tash ka zbuluar se Zlatan Ibrahimovic luajti rol të madh në inspirimin e tij për të fituar, transmeton Periskopi.

Zlatan është admirues i Khabibit.

Sulmuesi suedez, i cili ka edhe rripin e zi në Taekëondo, parashikoi fitoren e Khabibit për ta mposhtur Conor McGregorin në supermeçin e vitit 2018.

Dhe Khabib, në një intervistë me sensacionin rus të YouTube Kursava, tash ka zbuluar mesazhin inspirues që Zlatan ia dërgoi atij para fitores kundër Gaethje.

”Nëse ndihesh i ri, ti je i ri,” Zlatan i tha Khabibit.

”Nëse stërvitesh shumë, ti stërvitesh si duhet. Dhe nëse e di se je më i mirë se të gjithë, ti je më i mirë se të gjithë. Thjesht duhet ta bësh.

”Njerëzit flasin kur je njëshi. Ata duan të gjejnë diçka për të dalë kundër teje. Është gjithmonë e njëjta gjë.”

Duket se fjalët e Zlatanit patën efektin e dëshiruar pasi Khabibi fitoi me lehtësi në UFC 254. /Periskopi.com/