Këto janë shenjat që tregojnë se ju kanë bërë magji

Le ta pranojmë. Shpesh, gjëra të këqija ju ndodhin njerëzve të mirë, pa ndonjë arsye logjike.

Kur krejt nga hiçi sëmuremi apo gjërat siç themi rëndom “na ecin ters”, mendojmë mos dikush “na ka mallkuar”

Para se t’ju listojmë shenjat e “një mallkimi” duhet t’ju sqarojmë diçka. Ideja e “pushtimit të energjisë së keqe” nuk është e pamundur, por është e rrallë. Një pjesë e mirë e njerëzve që besojnë tek mallkimi, thjesht zgjedhin të mos përballen me realitetin dhe e lënë veten në dorë të fatit të keq.

Ndonjëherë kjo është jeta, gjëra të këqija na ndodhin për arsye që s’mund t’i dimë. Në 99% të rasteve, po ua sigurojmë se jo, nuk jeni të mallkuar!

Tani kalojmë tek shenjat!

Sëmundje e pashpjegueshme dhe/ose një shenjë në trup

Nëse kryesisht je njeri i shëndetshëm dhe krejt papritur fillon të ndihesh keq, apo sheh në trup shenja që nuk të kujtohet se ku i ke bërë, mund të jesh pushtuar nga energjia e keqe. Mos harroni se kjo sëmundje është thjesht reagim nga diçka që po ndodh në trupin,mendjen apo shpirtin tënd.

Nëse kësaj sëmundjeje nuk i jep dot shpjegim as mjeku, do të thotë se një tjetër forcë po vepron kundër jush.

Fat i keq të përndjek!

Historikisht e ke njohur veten si njeri me fat të mirë. Gjërat krejt papritur ndryshojnë, pa një arsye specifike. Ditë pas dite ty të duhet të përballesh me situata nga më të vështirat dhe mendon se fati i keq të ka zgjedhur pikërisht ty.

Nëse mendon se ke bërë mjaftueshëm dhe prapë s’të ka ecur mund të besosh se dikush është përpjekur të të “mallkojë”. Fati i keq përfshin: problemet financiare, probleme me shëndetin, aksidente, probleme me pajisjet teknologjike, e tij.

Je e përfshirë në një “luftë shtrigash”

Jo çdo kush ka energji të mirë dhe na jep dritë! E vërteta është se kur në lojë futet xhelozia apo smira, energjia e keqe(shtriga) përpiqet të të pushtojë për të të dhënë nga negativiteti i/e saj.

Pushtoheni nga mendimet negative

Nëse e njihni veten për njeri pozitiv dhe shumë optimist dhe krejt papritur errësoheni nga ide të zeza, duhet të shqetësoheni. Kini parasysh që këto nuk janë mendimet tuaja, por të forcës së errët që do t’ju pushtojë.

Gotat e thyera

Keni gjetur rastësisht nëpër shtëpi copëza gotash të thyera? Nëse po, kjo është një nga shenjat e magjisë së keqe, e njohur për shekuj me radhë.

Lidhje që mbarojnë!

Ndarjet e papritura janë një shenjë tjetër mallkimi. Krejt papritur mes jush lindin probleme, nisin zënka për gjëra të kota dhe ju duket sikur thjesht s’e duroni dot më njëri tjetrin. Kjo mund të ndodhë me çdo lloj raporti, atë romantik, familjar apo platonik. Mallkimet kanë për qëllim të shkatërrojnë jetë dhe cila është mënyra më e mirë për ta bërë këtë përveçse duke i ndarë nga njerëzit që duan?

Objekte të huaja në shtëpinë tuaj

Këtë mos e harroni. Nëse gjeni në shtëpi objekte të çuditshme, simbole që nuk i keni hasur më parë, për të cilat e dini mirë që s’ju përkasin ju dhe as familjarëve tuaj, bëni kujdes. Mund të jetë një shenjë që tregon se dikush po përpiqet t’ju mallkojë. Një objekt i tillë, mund të jetë një kukull prej lecke si në foton më lart.

Ti humbet gjëra krejt papritur!

A ju ka humbur ndonjëherë një peshqir, të mbathura apo një krehër flokësh? Këto objekte mbajnë ADN-në tuaj dhe shpesh përdoren nga shtrigat për magji. Nëse dikush ka ardhur në shtëpi së fundmi dhe që pas asaj dite ju nuk gjeni më diçka nga këto më lart, mund të jetë një shenjë e tillë.

Letra ose email-e kërcënuese

Nëse merrni një email apo letër kërcënuese, me siguri dikush po përpiqet t’ju bëjë keq. I gjithë negativiteti është në atë letër, kështu që mbajeni larg, shkruan Anabel.

Koha në shtëpinë tënde është më e zymtë se kudo tjetër

Kjo varet nga fuqia që ka personi i cili po përpiqet t’ju mallkojë. Nëse moti rreth shtëpisë suaj është më keq se kudo tjetër rreth e rrotull, dikush po përpiqet t’ju bëjë dëm. Një re e zezë mbi shtëpi, mjegull apo shi është energjia e keqe që po përpiqen t’ju japin.