Këto janë pesë arsyet pse mund të keni dhimbje shpine

Dhimbja e shpinës mund të ndodhë për shumë arsye, nga qëndrimi jo i duhur deri tek qëndrimi ulur për një kohë të gjatë.

Nëse nuk i ndryshojmë disa zakone të këqija, kjo dhimbje do të shfaqet gjithnjë e më shpesh dhe do të bëhet më e fortë me kalimin e moshës. Mjekët thonë se për këtë duhet të bëjmë disa gjëra.

Mbani ngrohtë pjesën e poshtme të shpinës

Mbajeni pjesën e poshtme të shpinës të ngrohtë. Sapo të ftohet jashtë, vishuni në përputhje me temperaturën. Edhe shëtitjet e shkurtra në rrugë me rroba të papërshtatshme mund të shkaktojnë shumë sëmundje të pakëndshme, madje edhe të rrezikshme. Një nga problemet  është spazma e muskulit kurrizor.

Mos mbani çanta të rënda mbi supe

Një ngarkesë e tillë ka një ndikim negativ në shtyllën kurrizore, dhe kryesisht dëmton qëndrimin. Dhimbjet e kokës janë gjithashtu një pasojë e këtij zakoni të keq. Është shumë më mirë ta mbani ngarkesën në çantën e shpinës, ku pesha shpërndahet në mënyrë të barabartë, shkruan abcnews.al.

Bëni një pushim kur punoni ulur

Nëse kaloni shumë kohë në tavolinë, duke bërë punë zyre, është shumë e rëndësishme që herë pas here të bëni pushime. Ecni, ngrihuni disa herë, shtrini krahët. Çdo aktivitet fizik do të jetë i mirë për shëndetin e shpinës. Ju gjithashtu mund të masazhoni qafën, kështu që do të përmirësoni qarkullimin e gjakut në tru.

Flini në një dyshek të fortë

Dyshekët e butë mund të jenë më të rehatshëm, por janë fatale për shpinën. Veçanërisht të rrezikshëm janë shtretërit me susta, në të cilët kur jeni shtrirë përkulet shpina, shkruan abcnews.al.

Ndryshoni rregullisht pozicionin e trupit

Kur jeni ulur, në këmbë ose shtrirë, përpiquni të mos qëndroni në një pozicion për një kohë të gjatë. Ndryshoni rregullisht pozicionin e trupit dhe jepini shpinës një mundësi për të ndjerë lëvizjen, për të qenë në një pozicion që është më komod për ta. /abcnews.al