Këto janë fjalët e Zidanes pas fitores së vështirë dhe minimale ndaj Atalantës
Trajneri i Real Madridit, Zinedine Zidane, ka folur në konferencë për media pas fitores minimale 1-0 kundër Atalantas, transmeton Periskopi.
Francezi nuk deshi të komentonte lidhur me kartonin e kuq të Freleur, teksa i dha merita lojës që bënë bergamezët.
“Nuk e di nëse e kuqja ishte e tepërt, i takon gjyqtarit të marrë vendimet. Ne nuk kemi luajtur mirë, por e rëndësishme është rezultati. Megjithatë, kemi ende ndeshjen e dytë. Fizikisht ata janë shumë të fortë, mbrojnë shumë mirë. Nuk gjetëm hapësira, shënuam vetëm në fund. Për ne, megjithatë, është shumë e rëndësishme ta kemi gjetur golin”.
Sipas Zizu, ka edhe një ndeshje dhe gjithçka mbetet e hapur.
