Këto janë efektet negative të përdorimit të telefonit para gjumit

Adoleshentët nuk kanë patur kurrë më parë një gjumë më problematik se sa në kohët e sotme dhe kjo si rezultat i përdorimit të telefonit celular përpara gjumit.

Ky studim ka nxjerrë në pah edhe efektet negative që u vijnë të rinjve nga ky fenomen.

Ata flenë pak, zgjohen disa herë gjatë natës, si dhe gjatë ditës ata ndihen të lodhur dhe të përgjumur.

Sipas studimit të bërë nga Universiteti i Montreal nuk është rastësi që kjo është gjenerata më e varur deri më sot nga rrjetet-sociale.

Studiuesit zbuluan se adoleshentët që ishin të prirur për të folur në telefon apo për të shkruar mesazhe përpara se të flinin, kishin mjaft probleme shëndetësore.

“Mediat elektronike janë duke u bërë gjithnjë e më shumë një pjesë e rëndësishme e jetës së të rinjve, duke u përdorur shpesh edhe para gjumit,” tha Jennifer O’Loughlin, një studiues në Universitetin e Montrealit.

Në studim u morën nxënës të moshës 14-16 vjeç , ku nga analizat e bëra rezultoi se përqindja më e madhe e të rinjve e kalonin kohën e tyre më tepër duke përdorur pajisjet elektronike, lojërat e ndryshme, ndërsa leximi dhe aktivitetet fizike ishin ulur ndjeshëm.