Këto dy produkte për dobësim që shiten online, janë të rrezikshme
Dy produkte me pretendimin ”që ndihmojnë në shkrirjen e shtresës dhjamore” dhe shiten në internet, përmbajnë substanca të rrezikshme për shëndetin, paralajmëroi sot Agjencia e barnave (ANSM).
Bëhet fjalë për tableta të firmës ”Clenox” dhe ”Stanox-10” të markës ”Malay Tiger” të përdorura nga sportistët, por edhe për humbje peshe, shkruan ATSH.
Këto produkte janë prezantuar që do të ndikojnë në rritjen e masës muskulore ose ”shkrirjen e masës dhjamore”, sipas ANSM, e cila paralajmëron konsumatorët mbi rreziqet e këtyre produkteve dhe rekomandon në mënyrë kategorike mos konsumimin e tyre.
Agjencia këshillon personat që kanë përdorur këto produkte, të konsultohen me mjekun për një kontroll shëndetësor.
