Këta janë katër kandidatë për çmimin ‘Lojtari i Javës’ në Ligën e Kampionëve

UEFA e ka publikuar listën e katër futbollistëve kandidatë për t’u zgjedhur futbollisti më i mirë i ndeshjeve të para çerekfinale të Ligës së Kampionëve.

Më saktësisht, në garë për çmimin “Lojtari i Javës” janë: Alessandro Bastoni i Interit, John Stones i Manchester Cityt, Vinicius Junior i Real Madridit dhe Brahim Diaz i Milanit.

Këta lojtarë kontribuuan më së shumti në fitoret e skuadrave përkatëse në ndeshjet e para të çerekfinales.

Prandaj, tifozët përmes votave të tyre do ta kenë mundësinë ta zgjedhin më të mirin prej tyre.

E ndeshjet e kthimit çerekfinale të Championsit, ku do të përcaktohen edhe skuadrat gjysmëfinaliste, do të luhen mesjavën e ardhshme. /Gazeta Express/

Kandidatët për çmimin “Lojtari i Javës”

Alessandro Bastoni (Inter)

John Stones (Manchester City)

Vinicius (Real Madrid)

Brahim Diaz (Milan)