Kësaj radhe s’ka ‘Remontada’: Barcelona eleminohet nga PSG,

Barcelona është eleminuar nga Paris Saint-Germaini në fazën eleminimit direkt të Champions Leagues me rezultat të përgjithshëm 5-2.

Ndeshja e parë në ‘Camp Nou’ mes këtyre dy skuadrave kishte përfunduar me rezultat 4-1, shkruan Periskopi.

Vetëm një mrekulli si ajo e 8 marsit të vitit 2017 do ta shpëtonte Barcelonën nga eleminimi, por kësaj radhe nuk pati një të tillë.

Blaugranët nuk arritën më shumë se një barazim 1-1 në përballjen e dytë në Paris, duke i dhënë fund aventurës për këtë sezon në kompeticionin më prestigjioz të futbollit në Evropë.

Parisienët kaluan në epërsi përmes Kyluan Mbappe, i cili shënoi nga penalltia në minutën e 31-të, por Lionel Messi barazoi vetëm gjashtë minuta më vonë me një supergol.

Superylli argjentinas pati mundësi të artë ta mbyllte pjesën e parë me epërsi, por dështoi nga penalltia në minutën e tretë të kohës shtesë të intervalit.

Kështu, PSG vazhdon tutje drejt cerekfinales, ndërsa fokusi i Barcës tash është në La Liga, aty ku zë vendin e dytë, gjashtë pikë larg të parit Atletico Madridit. /Periskopi.com/