Kërkesa për iPhone 7 dhe 7 Plus do të ketë rënie

Analisti Ming-Chi Kuo ka deklaruar se rënia e kërkesës për iPhone 7 do të fillojë këtë muaj dhe do të vazhdoj të bie edhe në dhjetor.

Kuo poashtu ka përmendur se njëra prej arsyeve të rënies së kërkesës për telefonat e ri nga Apple është mangësia e risive të rëndësishme në këto pajisje.

Analisti i KGI Securities poashtu ka përmendur se fenomeni i mungesës së produkteve të mjaftueshme në treg është shkak i prodhimit të limituar të njësive dhe jo kërkesës së lartë.

Kuo ka parashikuar edhe se rënia e kërkesës do të vazhdojë edhe në tremujorin e parë të vitit të ardhshëm si arsye e kërkesës së ultë dhe konkurrencës së ashpër në tregun kinez.