Kërcënoi një prokuror përmes rrjeteve sociale, kosovari arrestohet në Aeroportin e Prishtinës

Policia e Kosovës ka arrestuar një kosovar në Aeroportin Ndërkombëtar të Prishtinës.

I njëjti u arrestua nën dyshimin se ka kanosur një viktimë, përkatësisht një prokuror të shtetit, përmes rrjeteve sociale.

Sipas njoftimit të policisë, i dyshuari, i cili u arrestua pas një hetimi të zhvilluar, është dërguar në mbajtje me vendim të prokurorit.

Autoritetet kanë nisur procedurat ligjore kundër tij.