Kënga shqipe vjen në versionin kinez (Video)

Kënga “Ti më je si një gonxhe” është mjaft e njohur edhe në Kinë. Po e sjellim një version të kësaj kënge të kënduar gjatë mbrëmjes së djeshme ekskluzivisht për ju.

https://www.youtube.com/watch?v=SYXbm-RS_YM

Në internet, mund të gjeni edhe versionin karaoke të saj, por edhe e kënduar nga shumë artistë kinezë. Kështu, përveç filmave të realizimit socialist, kinezët adhurojnë edhe këngët e vjetra shqipe, – ashtu siç është edhe kjo këngë e vjetër shkodrane, që në gjuhën kineze tingëllon “Han bao yu, fang de hua” (含苞欲放的花), ndërsa në shqip: “Ti më je si një gonxhe“.

Kënga u këndua nga një grup vajzash shqiptare dhe u mirëprit me duartrokitje të zjarrta nga të pranishmit e mbledhur në kuadër të 68-vjetorit të themelimit të Republikës Popullore të Kinës, ku Ambasada e R.P. të Kinës në Tiranë, organizoi të premten pasdite në ambientet e Muzeut Historik Kombëtar në Tiranë, një pritje zyrtare, shkruan Konica.al

Në këtë aktivitet, ishin të pranishëm Presidenti Ilir Meta, Kryetari i Kuvendit, Gramoz Ruçi, zv/kryeministrja Senida Mesi, deputetë, personalitete të tjera nga fusha të ndryshme, të artit dhe gazetarisë, etj. Ceremonia filloi me promovimin e librit në gjuhën shqipe, të Presidentit të Kinës Xi Jinping, “Qeverisja e Kinës”.

(Shihni më poshtë një videoklip të kënduara në Kinë, të këngës “Ti më je si një gonxhe”)

https://www.youtube.com/watch?v=8TIT7JRArZs