Kapen fjalët e Zidane drejtuar lojtarëve të tij para ndeshjes jetike me Chelsean

Real Madridi do të përballet me Chelsean në ndeshjen e dytë të gjysmëfinales së Ligës së Kampionëve sonte, që do ta përcaktojë edhe finalistin e dytë të Stambollit.

Fjalimi pasionant i Zinedine Zidanes për lojtarët e tij të Real Madrid u kap nga mikrofonat përpara ndeshjes së tyre me Chelsean të mërkurën në mbrëmje.

Gjigandët spanjollë kanë barazuar 1-1 pas ndeshjes së parë të gjysmëfinales në Ligën e Kampionëve dhe do të duhet të shënojnë në Stamford Bridge nëse duan të përparojnë në fazën tjetër.

Dhe ndërsa Zidane po mblidhte lojtarët e tij së bashku, Chiringuito TV arriti të kapte ca nga ato që po thoshte.

“Ne duhet të jemi shumë agresivë sepse ata [Chelsea] janë mësuar me këtë,” tha ai.

“Dhe më pas mos harroni të mbani topin, të luani dhe të shijoni ndeshjen, sepse kjo është ajo që na solli deri këtu.”

Vërejtjet vijnë pasi Zidane deklaroi në konferencën për shtyp para ndeshjes se ekipi i tij ishte i përgatitur të ‘luftonte deri në vdekje ‘në mënyrë që të arrinte në finalen e garës kryesore të Evropës.

Ai tha: “Ne jemi në gjysmëfinale të Ligës së Kampionëve, të gjithë do të luftojmë deri në vdekje në fushë. Të gjithë lojtarët janë gati për të luajtur, dhe natyrisht më duhet të zgjedh një ekip.”

“Të gjithë lojtarët janë gati për të luajtur, mos u shqetësoni.”

Zidane fitoi Ligën e Kampionëve tre vjet me radhë me Real Madrid midis 2016 dhe 2018 para se të largohej nga klubi./Periskopi