Ka të reja për serialin “Squid Game”, këto personazhe i bashkohen sezonit të ri

Prej kohësh, fansat e serialit “Squid Game” kanë qenë në pritje të të rejave për sezonin e dytë.
Më në fund duket se pritjes së tyre u ka ardhur fundi.

Në eventin “Tudum” të organizuar nga vetë Netflix, janë publikuar emrat e disa prej personazheve të rinj që do të shfaqen në këtë sezon të ri të serialit, e tw cilwt janw: Yim Si-wan, Kang Ha-neul, Park Sung-hoon, Yang Dong-geun.

Tashmë të lajmëruar në lojërat më popullore dhe të rrezikshme në planet janë 4 lojtarë të rinj e ndërkohë edhe disa lojtarë nga sezoni i ri do të rikthehen.
Pavarësisht se ende nuk janë publikuar informacione zyrtare më shumë për historinë që do të ndiqet në këtë sezon duke lënë kështu ende pa përgjigje shumë pyetje të krijuara gjatë sezonit të parë.

Gjithashtu publiku është ende në pritje të një date zyrtare të fillimit të transmetimit.

Kujtojmë se seriali “Squid Game” filloi transmetimin në Netlix në 2021 duke u shndërruar në një fenomen botëror dhe duke u kthyer në serialin më të ndjekur në këtë platformë.
Ky serial arriti të grumbullonte një total prej 1,65 miliardë orësh shikimi në vetëm 28 ditë. Gjithashtu ky seria është vlerësuar edhe me shumë çmime prestigjioze ndërkombëtare si edhe 14 nominime për çmimet “Emmy”/Periskopi/