Kim Kardashian e ka dëmtuar fustanin e Marilyn Monroe? Fotot e reja zemërojnë rrjetin

Kim Kardashian shkaktoi reagime të shumta kur u shfaq në Met Gala 2022 me fustanin ikonik të Marilyn Monroe nga viti 1962. Kim humbi 7 kilogramë përpara ngjarjes për të hyrë në fustanin historik dhe veshi një kopje për festën, pasi nuk ishte në gjendje të lëvizte lirshëm në fustanin origjinal.

“Unë kam jashtëzakonisht respekt për veshjen dhe për atë që do të thotë për historinë amerikane”, tha ajo për Vogue përpara festës. “Unë kurrë nuk do të doja të ulesha në të ose të haja në të, ose të rrezikoja për ndonjë dëmtim të tij dhe nuk bëra grimin e trupit që bëj zakonisht.”

Të hënën, Pop Culture postoi foto krah për krah të fustanit, që dyshohet të jenë shkrepur para dhe pasi Kardashian e kishte veshur atë në Met. Një nga fotot tregon shenja të pëlhurës së tërhequr dhe kristaleve që mungojnë, veçanërisht rreth mbylljes së pasme të fustanit.

“Kim nuk duhet ta kishte veshur kurrë atë fustan si fillim. Dua të them se po, është mirë t’i bësh homazhe Marilyn-it, por ajo mund të kishte bërë duke rikrijuar një fustan të ri. Ky ishte një fustan i përjetshëm dhe ikonik që është shkatërruar”, shkroi një person në Twitter si përgjigje.

“Lëreni në dorë të Kim për të shkatërruar një vepër historike të artit,” tha një tjetër.

Ndërsa disa ekspertë të Monroe ishin të zhgënjyer kur panë Kardashian me fustanin e brishtë të Monroe në Met, Muzeu “Ripley’s Believe It or Not!”– i cili ia ka huazuar veshjen Kimit – tha për The Post se ishin marrë masa për të parandaluar ndonjë dëmtim të mundshëm.

Pas Met Gala, muzeu vuri në dukje se “asnjë dëmtim” nuk i kishte ndodhur veshjes.