Juventusi në garë për Zhegrovën
Edon Zhegrova është duke kaluar formë të mirë këtë edicion me skuadrën e Lillet.
Me formën që është duke e treguar shumë skuadra evropiane kanë shprehur interesim për t’i siguruar shërbimet e Reprezentuesit të Kosovës.
“One Football”, ka raportuar të shtunën se gjiganti italian, Juventus po insiston që ta transferojë Zhegrovën në afatin kalimtar të janarit.
Përpos Zhegrovës, Juventusi është duke e ndjekur edhe sulmuesin kanadez të Lillet, Jonathan David.
25-vjeçari Zhegrova këtë edicion në të gjitha garat ka shënuar shtatë gola dhe ka bërë një asistim në 15 ndeshje të luajtura.
Zhegrova është shumë i rëndësishëm për Lillen. Për 25-vjeçarin më herët kanë shprehur interesim edhe disa skuadra si Roma, Fulhami, RB Leipzigu, Real Madridi dhe Borussia Dortmundi.
