Juventusi fiton derbin me Romën, mesazh për Interin dhe Milanin
Juventusi e ka fituar me rezultat 2-0 derbin e xhiros së 21 të Serie-A kundër Romës.
Cristiano Ronaldo me klasin e tij i dha epërsinë skuadrës së Andrea Pirlos në minutën e 13’ të ndeshjes dhe me këtë rezultat skuadrën shkuan në pushimin ndërmjet dy pjesëve.
Në pjesën e dytë Roma provoi të gjente golin e barazimit, por pa sukses.
Kur po zhvillohej minuta e 70’ e ndeshjes, fitoren Juventusit ia siguroi lojtari i Romës, Ibanez i cili realizoi në portën e gabuar.
Pas kësaj fitoreje, Juventusi ngritet në pozitën e tretë në tabelë me 42 pikë, pesë më pak se Interi në vendin e parë dhe katër më pak se Milani në vendin e dytë.
Roma tani pas kësaj humbje renditet në vendin e katër me 40 pikë.
