Jonida Vokshi tregon nëse do të jetë prezantuese e Big Brother Vip Kosova 2
Ndonëse ende nuk është konfirmuar një gjë e tillë, BBVK 2 pritet të nisë në vjeshtën e këtij viti.
Por, kureshtja e publikut mbetet edhe për drejtuesit e spektaklit nëse do të jenë të njëjtën apo do të ketë ndonjë ndryshim.
Megjithatë, prezantuesja e edicionit të parë, Jonida Vokshi ka lënë të kuptohet se ajo do të rikthehet me moderim edhe në të dytin.
Kështu ka deklaruar aktorja shqiptare gjatë një pyetësori që ka zhvilluar me fansat në Instagram.
“Kur do të shohim në BBV Kosova?”, ishte pyetja e një ndjekësi, të cilës Jonida iu përgjigje duke thënë: “Në vjeshtë”.
Ndryshe, kujtojmë që fituesi i BBVK 1 u shpall reperi nga Shqipëria, Stresi.
